بنات الناس اه ,,,,,...اختى لا و60 لا!!!!

السلام عليكم ورحمة الله وبركاتة

ازيكم يا حلوين

النهاردة عاملة موضوع مهم جداا من وجهة نظرى

يلا نبدا

لية بعض الشاب بيرضى اى حاجة على بنات الناس ومش بيرضى ان دا يحصل مع اختة
مع ان ربنا مش بيرضى بكدا ودايما بيبعت حد يخلص فى اختة ايلى عملة مع البنات

لية دايما الشاب يمشى ويعاكس دى ودى طيب بذمتك ابقى اقعد يوم مع نفسك وعد كام واحدة عاكستها النهاردة
ولما حد يعاكس اختة يعمل فيها راجل ويتشاكل ويكون هيموت نفسة

لية دايما تسمح لنفسك انك تكلم دى ودى واختك لا .....دا اكيد بيرجع لسبب انك متاكد ان ايلى انت بتعملة غلط والبنت ايلى بتكلمها غلط بدليل انك مش راضى لاختك بكدا

طيب مش بتحس بالذنب وانت بتعمل كدا تفضل تجرى ورا بنت علشان تكلمت ووقت ما تكلمت تبقى زيها زى غيرها
او حتى لو كنت بتحبها برضة بتكون هتموت وتكلمها بس برضة وقت ما تكلمت يعنى ممكن تفضل تحبها بس مع الايام اكيد هتغير وجهة نظرك

طيب لية اول ما البنت تجيى تسالك انت بتحبنى تقعد تقولها قصايد مع ان ايلى بيحب حد بيحافظ علية وانت كدا مش بتحافظ عليها
لو سالتك طيب ترضى لاختك بكدا (يعنى ان ولد يكلمها زى ما انت بتكلمها) تبقى اجابتك .....لو هوا بيحبها زى ما انا بحبك ارضى تسمحلى اقولك انك كذاب
لانك عمرك متوافق لاختك بكدا

ونفترض انك هتوافق بجد يبقى تسمحلى اقولك انك مش راجل ....فين النخوة يا جماعة
وانت ممكن تقولها لا بس اكيد هتخاف لان لو البنت دى محترمة هتفركش كل حاجة

بجد حرام تكسر قلب بنتلانك بتكون داخل عليها بدور الحب وتعشمها بحاجات وفى الاخر يبقى ولا حاجة .......والله حرام
حرام انك تفضل توهم فى بنات لمجرد انها مرضتش تكلم صاحبك ......ازاى بقى لازم تكلمها وبعد ما تكلمك تقولها انتى عاملة نفسك محترمة ومكلمتش فلان ايلى هوا صاحبك يعنى طيب اديكى كلمتينى ........طيب مش يمكن تكون حبتك وكلمت علشان كدا يبقى لازمتها اية تكسر قلبها فى الاخر وتعمل عليهها لعبة

وحكاية الرهان ايلى الواحد بيسمع عنها خلاص يا شباب معدش فاضل غير انكوا تتراهنوا على بنت ...... هى الناس جرالها اية

بجد يا شباب ياريت تتقوا ربنا شوية

ومش معنى ان فى بنت كنت بتحبها اوى وغدرت بيك يبقى كل البنات كدا وتقعد تخلص ايلى اتعمل فيك معاهم
ياريت يا جماعة تعتبروا البنات اخواتكم........ وتشوفوا لو هترضوا كدا لاخواتكوا يبقى اعمل براحتك لانك ساعتها مش هتستحق ان يطلق عليك مسلم


وياريت تفهموا الموضوع

واسمع اراء الاعضاء الشباب والبنات كمان

لانى عاملة الموضوع للنقاش