اعرفي عريسك بدري من طريقه اكله!
- إذا كان عادي يعني لا بياكل بسرعه ولا ببطء ولا دايمًا شبعان ولا
مفجوع على طول .. يبقى شخص معتدل في عواطفه
وقراراته ويبقى ده آخر
الرجال المحترمين ..
*كلبشي.. واستعجلي الزفاف والحياه هتبقى بمبي
-إذا كان بيحب الأكل زي عينيه .. وأول م.يدخل من الباب وقبل ما
يقولك ازيك يقولك ريحة التقليه تجنن روحي إنتوا عاملين ملوخيه
على أرانب؟؟.. أموت أنا.. ويقعد ياكل ويحشر لحد م.يغمى عليه..
يبقى إنسان طفس.. وهوائي..
وطايش..
*أوعي تتجوزيه أحسن ياكلك وانتي نايمه ....؟؟
-أما إذا كان مش مهتم بالمره .. لا يقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره ما يقولك جعان
أو شبعان
يبقى إنسان ملوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد واعملي حسابك
*هتركبي وتدلدلي رجلييكي (فرصه بقي)
-أما إذا كان بياكل زى ما يكون حد بيجري ورااااه وساعة الأكل
بيجيله حالة صرع معوي .. ويقوم من علي الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه .. ويروح مطلقك بالتلاته ..
*إخلعي إنتي بدري أحسن لكرامتك
-أما إذا كان بياكل على مهله.. ويمزمز.. فى كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم فى الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المراره.. ولو في يوم طلبتي منه يقولك كلمه حلوه هيقولك مش عامل
حسابي ويقعد يفكر 3 سنين وبعدين يقولك بحبك ويقعد يشوف وقعها عليكي
إيه؟؟
نظااااام شلل رعاش
*بدري.... بدري....
إخلعي يا أمي..
-أما إذا كان بيقعد يقطع ف الأكل زي مايكون ف خناقه ويخبط ف الطبق
من الغل.. ويقطع حتة اللحمه زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقه هايروح مناولك بالكرسي ف راسك أو
بالسكينه ف عينك يعملك عاهه مستديمه وبعدين.. يهدى.. ويقول لك:
"سوووري يا روحي هي جت فيكي.. معلش"
*""معلش برَّه يا حبيبي وخد الباب ف أيدك""
-أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..
الملوخيه تقيله.. يا.. السمنه كتيره على وش الشوربه..يا ساتر.. دا
محشي ولا صوابع
مووووز.. أووووف.. الرز محصويل..اوف المكرونه معجنه..
*إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هيطلعك منها زي الشعره من العجيييين
"اخويا" هتاخدى بدل سنتين 10 او مؤبد
*والأحسن مالها القعدة ف بيت أبووووووووكي؟؟من ده كله.....
ههههههههههههههههههههههههههههه
الخميس يوليو 01, 2010 3:16 am